Blinde ohne Lesch
Ich spür ding Huck, dingen Odem, alles wärm
Deef entspannt, janz friedlich, liss du in mingem Ärm
Dä Momennt dürf nie verjonn, ich mösch jetz noch nit weg jonn,
denn ich lieb dich, ich lieb dich, Ming Hätz dat es su voll
Och noh all dä lange Johr, dat Jevöhl et es noch doh,
Ich lieb dich, ich lieb dich, Ich bin niemols wirklich fott.
Du häs dich nie verbore, Du wors immer jrad
Du häs mich nie beloore, du wors nie en Kraat.
Beinah hätt ich et nit jeschaff, du joffs mir noch eimol Kraff,
Ich lieb dich, ich lieb dich, Ich losseen dich nit loss.
Och wenn mir nit zesamme sinn, spür ich dich janz deef in mir drinn,
Ich lieb dich, ich lieb dich, Du bis niemols wirklich fott.
Och wenn ich nit bei dir bin, kann ich dich doch immer sinn!
Kriss du och Falde im Jeseesch, dat hät für mich keij Geweesch,
Ich bin ne Blinde ohne Lesch
Alle Stürm, All Klippen, alle Ping,
Och wenn uns Welt an nem seidene Faden hing,
Immer han mir uns vertraut, Kappoddenes widder opjebaut
Denn du liebs mich, du liebs mich, Dat hält mich in der Spur,
Du bes mih als ich sare künnt, bes du Jeliebte un der beste Fründ
Du liebs mich, du liebs mich, un du mähs mich stark
Mir zwei krijen alles hin, weil mir zwei Vertraute sinn
Hatten mir och manchmol Kresch, die Versöhnung fiel uns lesch,
Mir woren Blinde ohne Lesch
Wann sinn ich dich widder
Dä Kopp es voll, doch keen Jedanke
Nur Jevöhl, alles wund,
Dä Puls dä ras, kann nit schlofe,
Schon 2o mol de E Mails nojesinn
Alles es still, nur dat rusche
In ming Uhre un em Kopp,
Wann, wann sinn ich dich widder,
wann bes de widder he
Wann, wann sinn ich dich wdder,
Nix es passiert ävver et die wih
Sinn et schon 10 oder 20000 Stunde
Dat ming Levve nit mih stimmt
Sinn et mih als hundert Wunde
Oder nur een, die dä Hunger nimmt
Alles es still . . . .
Et hätt nitt jepass
Noh der Fete kohmst du aanjelatsch, un häss mich zärtlich aanjetatsch
Un ich wor su waidwund, su alleen.
Ich nohm dich met ze mir noh Huus, mir troken uns die Kleider us,
ävver in Jedanke wor ich noch bei ihr.
Et hätt nit jepass, nit jepass! Et hätt nit jepass, nit jepass!
Et jov nix, wo ich meckre kunnt, ich wuss einfach keine Grund,
woröm ich dich nit liebe dät.
Ich hann jehoff dat dat noch köm, ich hatt dich wirklich furchbar jään,
Su´n Partie, wo ming Fründe neidisch sinn,
Ävver hätt nit jepass, nit jepass! Et hätt nit jepass, nit jepass!
Et hätt nit jepass, nit jepass!
Wie en kleene Könijin, üverall nohm ich dich mit hin,
un hann jewwat, dat ich se verjess.
Niemols wullt ich dir wieh dunn, Ich hann jelitten wie ne hunk
Un ding Angs, häs du nie jezeich.
Ävver hätt nit jepass, nit jepass! Et hätt nit jepass, nit jepass!
Et hätt nit jepass, nit jepass!
Hück is mir noch janit klor, wat et es un wat et wor,
Dat ich nit bei dir blieve wullt
Ich hoff, dir jeit et jot, och ich bin längs im Lot,
op du noch manchmol aan mich denks.
Ävver hätt nit jepass, nit jepass! Et hätt nit jepass, nit jepass!
Et hätt nit jepass, nit jepass!
Kölle, ach Kölle
Och wenn sich tächlich alles för mich ändert, un irjendswann Keener ming Sproch mih versteht
Och wenn ich fott bin in wildfremde Länder, wo mir för staune de Schnüss op steht.
Kölle, ach Kölle, Kölle ming Kölle, Kölle ming Kölle, ming Kölle am Ring
Dä Schäng rofen se Puckel, et Nies es de Prumm, ävver trotzdem es dat leev jemeint,
Dä Häns es jet schmuddelich, et Tring es ze iggelich,
ävver he es Jeföhl, weed jelaach un jeweint.
Kölle, ach Kölle, Kölle ming Kölle, Kölle ming Kölle, ming Kölle am Ring
Watt weed vell jebaut, un watt weed off versaut. Manchmol kenn ich mich he nit mih us.
Ävver dann sinn ich mingen Dom, un dä steht noch immer stramm,
un dann weiß ich widder, he bin ich ze Huus
Kölle, ach Kölle, Kölle ming Kölle, Kölle ming Kölle, ming Kölle am Ring
He in dir, do bin ich jeboore un he will ich och bejrove sinn
Kölle, ach Kölle, Kölle ming Kölle, Kölle ming Kölle, ming Kölle am Ring
He in dir, do bin ich jeboore un he will ich och bejrove sinn
Hür nit op
Sing Buud es kalt, de Finger klamm, hä hät nit ens en Badewann,
oder Lück wo hä ens bade kann.
Op dä Jittar die röstije Sigge, selvs die künnen ihn nit ligge,
un trotzdem is die Schrumm singen besten Fründ
watt will su ne Typ schon mache, usser immer wigger lache.
Hür nit op, Hür nit op, Hür nit op!
Hür nit op, Hür nit op, Hür nit op!
Domols ze Huus bei singer Mamm, fing hä mit Stöcke schrieven an,
vör e Mädche in der Nohberschaff,
Doch vör it wor hä nur Luff, un do hät hä sich verduff,
un hä hätt ihm jesaat dat hä´t irjendswann nält
Doch dovun es hä wick weg, vun Ulrikes Ikea Bett
Hür nit op, Hür nit op, Hür nit op!
Angs lieht dich stirve
Kumm jetz, jeff dir nen Ruck, opräch jeit der Mann
Kumm jetz, jeff dir nen Ruck, fang ze spreche an
Lauf nit för dingem Schatte weg
Du fälls nur un liss em Dreck
Sach jetz wat dir stink, du häs e Rech dodrop
Brüll ruhig wenn et hilf, ävver behalt der Kopp
Maach dene rösch e besje Angs
Weil du ding Angs zeröck jevve kanns
Angs lieht dich stirve
Duude halden nur de Schnüss
Angs lieht dich stirve
Mach dat du int Lävve küss
Angs lieht dich stirve
Duude halden nur de Schnüss
Angs lieht dich stirve
Watt hann se dir jedonn, dat du nix saare deijs
Watt hann se dir jedonn, dat du janz sill wegjeijs
Watt hann se dir jedonn
Kanns nit mih opräsch jonn
Angs lieht dich stirve
Duude halden nur de Schnüss
Angs lieht dich stirve
Mach dat du int Lävve küss
Angs lieht dich stirve
Duude halden nur de Schnüss
Angs lieht dich stirve
Oh nee. Ich jläuven nit . . . . ▼
Oh nee. Ich jläuven nit . . . .
Jläufs du dann wirklich, dat all Minsche wie Bröder sinn
Jläufs du dann wirklich, dat ich dat noch irjendswann sinn.
Jläufs du dat all wirklich?
Ich jläufen et nit
Jläufs du dann wirklich, dä Herrjott krät dat hin
Oh nee Ich jläufen nit, Oh nee, ich jläufen nit, Oh nee, ich jläufen nit
Jläufs du dat et dat ens jitt
Jläufs du dann wirklich, mir wullen Fremde Nohbor sinn
Jläufs du dann wirklich, all Fremde wullten uns Fründe sinn
Janz ohne Hingerlist
Ich jläuf et nit
Jläufs du dann wirklich, Jott hätt dat mit Absicht jemaat.
Oh nee Ich jläufen nit, Oh nee, ich jläufen nit, Oh nee, ich jläufen nit
Jläufs du dann dat e su ne Jott jitt.
Jläufs du dann wirklich, ne Jott dä wör perfekt
Wenn irjenswo anders, ne Panz am Hunger verreck
Jitt et Jott dann wirklich
Ich weiß et nit
Wenn et ihn jitt, hätt hä vun allem ene Plan
Oh nee Ich jläufen nit, Oh nee, ich jläufen nit, Oh nee, ich jläufen nit
Büggel in de Sonn (es Bingo !)
Mingen Chef hätt sich letzt Johr mit mir jot verdraare,
dofür leef mir die Bröh bes en die Kirv erinn.
Jetz will ich endlich ens en der Urlaub fahre,
will nix mih hüüre und will och nix mih sinn.
Ich will jet Sonn, will mich falle losse,
will ens jet andres als et Hallebad.
Ich will vielleich och jet de Sau russlosse,
dobei föhl ich mich furchbar platt.
Ich läsch dä
Büggel in de Sonn, Büggel in de Sonn es Bingo !
Büggel in de Sonn, Büggel in de Sonn es Bingo !
200 000 hätt mie Auto jefahre,
do schaff et och dä Weg bis an et Meer.
Et Zelt, de Pänz und dann de Frau enjelaade,
Am Kreuz Köln West tob en de Kess alt der Bär.
De Pänz sinn sich at widder am zänke,
ming Frau verzällt mir watt em Urlaub passiert.
Ich setz dozwesche un fahr immer wigger,
weil mich ihr Planung nit interessiert.
Ich läsch dä
Büggel in de Sonn, Büggel in de Sonn es Bingo !
Büggel in de Sonn, Büggel in de Sonn es Bingo !
Et Zelt wor kleen un et dät och jet stinke,
wie et zweimol ze räne anfing.
Ich helt de Nas zo, dät jet ruude Wing drinke,
an de Deck en ALDI-Tüt für de Droppe hing.
Am nächste Daach es alles widder anders,
ich läsch ming Fott en der heisse Sand.
Ich bin wigg weg und denk schon an Rente,
un hätt mich selv beinah nit mie erkannt.
Ich läsch dä
Büggel in de Sonn, Büggel in de Sonn es Bingo !
Büggel in de Sonn, Büggel in de Sonn es Bingo !